19 Felly, ffrindiau annwyl, gallwn bellach fynd i mewn i’r ‛Lle Mwyaf Sanctaidd‛ yn y nefoedd, am fod gwaed Iesu wedi’i dywallt yn aberth. 20 Dyma’r ffordd newydd sydd wedi’i hagor i ni drwy’r llen (am fod Iesu wedi aberthu ei gorff ei hun) – y ffordd i fywyd! 21 Mae gynnon ni’r Meseia, yn archoffeiriad gwych gydag awdurdod dros deulu Duw. 22 Felly gadewch i ni glosio at Dduw gyda hyder didwyll, a’i drystio fe’n llwyr. Mae’n cydwybod euog ni wedi’i glanhau drwy i’w waed gael ei daenellu arnon ni, a dŷn ni wedi’n golchi â dŵr glân.Croes 23 Felly gadewch i ni ddal gafael yn y gobaith dŷn ni’n ddweud sydd gynnon ni. Mae Duw yn siŵr o wneud beth mae wedi’i addo! 24 A gadewch i ni feddwl am ffyrdd i annog ein gilydd i ddangos cariad a gwneud daioni. 25 Mae’n bwysig ein bod yn dal ati i gyfarfod â’n gilydd. Mae rhai pobl wedi stopio gwneud hynny. Dylen ni annog a rhybuddio’n gilydd drwy’r adeg; yn arbennig am fod Iesu’n dod yn ôl i farnu yn fuan.
Cwestiwn 1
Sut mae’n bosibl i ni, pobl sydd wedi pechu yn erbyn Duw, i agosáu ato mewn gweddi?
Cwestiwn 2
Sut ddylem ni ddod at Dduw mewn gweddi?
Cwestiwn 3
Ym mha ffordd mae’r diafol yn ceisio ein stopio rhag troi at Dduw mewn gweddi?
Gweddi:
Dad nefol, diolch y gallwn ddod i mewn i’ch presenoldeb oherwydd gwaed Iesu. Helpa ni i gofio hyn yn ein bywyd bob dydd.
