9 Seion, sy’n cyhoeddi newyddion da,
dringa i ben mynydd uchel!
Ie, Jerwsalem, sy’n cyhoeddi newyddion da,
gwaedda’n uchel!
Gwaedda! Paid bod ag ofn!
Dwed wrth drefi Jwda:
“Dyma’ch Duw chi!”
10 Edrych! Mae’r Meistr, yr ARGLWYDD,
yn dod fel milwr cryf
i deyrnasu gyda nerth.
Edrych! Mae ei wobr ganddo;
mae’n dod â’i roddion o’i flaen.
11 Bydd yn bwydo’i braidd fel bugail;
bydd yn codi’r ŵyn yn ei freichiau
ac yn eu cario yn ei gôl,
tra’n arwain y defaid sy’n eu magu.
Mae’r Eseia yn y darn yma yn proffwydo dyfodiad yr Arglwydd Iesu drwy gyfeirio at ‘newyddion da’ fydd yn cael ei gyhoeddi.
Cwestiwn 1
Ydy’r darn yma o’r Beibl yn dy wneud yn hapus? Pam?
Cwestiwn 2
Beth mae Eseia’n ei ddweud sy’n mynd i ddigwydd yn y dyfodol?
Cwestiwn 3
Sut mae Iesu Grist yn cyflawni’r geiriau hyn. Darllen Ioan 10:11 i dy helpu.
Gweddïo: Diolch, Dad, mai Iesu yw’r ‘Bugail Da’ sy’n cyflawni’r broffwydoliaeth hon. Diolch dy fod ti dy hun wedi dod i’r byd yn Iesu Grist. Helpa ni i ryfeddu arnat ti yn ystod y Nadolig hwn!
